Сайт мәліметінше азықтың ең көп шығыны тіркелген үштік:
- Ақмола облысы – 738,5 мың тонна, жылына плюс 14,8%;
- Алматы облысы – 668,5 мың тонна, жылына плюс 24,8%;
- Қостанай облысы – 506,5 мың тонна, плюс 1,1%.
Ауыл шаруашылығынан алыс мегаполисте, Алматыда күтілгендей азықтың аз бөлігі пайдаланылды: барлығы 99 тонна, жылына плюс 4,5%
«Азықтың ең көп көлемі ірі қара малға жұмсалды. Яғни, 1,9 млн тонна. Бұл көрсеткіш өткен жылға қарағанда 11,6 пайызға артық. Оның ішінде тікелей сиырларға 813,3 мың тонна азық тиесілі», – делінген хабарламада.
Ал үй құсына жұмсалған азықтың шығыны 1,2 млн тоннаны, жылына плюс 2,9 пайызды, жылқыларға – 334,1 мың тоннаны, плюс 28 пайызды, қойларға – өткен жылғыдай 230,2 мың тоннаны құрады. Сонымен қатар, ешкілерге жұмсалған азық шығыны небәрі 5,6 мың тоннаны құрап, жылына минус 20,4 пайыз болды. Түйелерге – 7,5 мың тонна, минус 9,7 пайыз, шошқаларға – 141,2 мың тонна, минус 7 пайыз.
Ауылшаруашылық кәсіпорындары жұмсаған барлық азықтың төрттен бір бөлігін яғни 1 млн тоннасын қойылтылған азық құрады. Өткен жылға қарағанда 5,6 пайызға артық. Одан кейінгі орында шөп пен құрама жем (тиісінше 950,9 мың және 805 мың тонна), ал одан кейін сүрлем мен көк азық (тиісінше 329,6 мың және 273,6 мың тонна).
Азық бағасының өсуі мал шаруашылығы саласына айтарлықтай әсер етеді. Соңғы екі жылда Қазақстанда төрт құс фабрикасы банкротқа ұшырады, деп хабарлады Хабар 24 арнасы. Арнада жарияланған ақпаратқа сәйкес, кәсіпкерлер мекиен тауықтардың санын азайту туралы ойлануда. Азық құны өскеннен кейін жағдай нашарлап, соңғы екі жылда бағаның өсуі байқалды. Қазірдің өзінде азық құрамдастары 30–50 пайызға қымбаттады.
2022 жылғы 1 шілдедегі жағдай бойынша елде 49,3 млн құс тіркелді. Бұл өткен жылға қарағанда 1,2 пайызға көп.
Өңірлік бөліністе ең көп құс саны:
-
Алматы облысында – 10,2 млн;
-
Ақмола облысында – 9,4 млн;
-
Солтүстік Қазақстан облысында – 5,4 млн құс тіркелді.
Айта кетейік, Алматы облысында үй құстарына жұмсалатын азық шығыны 324,2 мың тоннаны, Ақмола облысында 299,8 мың тоннаны, Солтүстік Қазақстан облысында — 134,5 мың тоннаны құрады.
