Жылда қыркүйектің 9-жұлдызында кәсіпкерлердің кәсіби мерекесін атап өту дәстүрге айналған. Бұл үрдістен Қарасай ауданы да қалыс қалмады. Мерекеге орай бірнеше қарасайлық бизнес өкілі марапатталды, деп жазады kazbusiness.kz ақпараттық порталы.
“Атамекен” ҰКП аудандық филиалының директоры Орынбай Жанәділ салтанатты шарада кәсіпкерлердің басын қосып, еңбегін еледі. Мерекелік шараға өз өнімдерін Қарасай ауданына ғана емес, республика бойынша ұсынып жүрген кәсіпкерлер қатысты.
Бірінші болып сөз кезегін алған аудан әкімінің орынбасары Дулат Сансызбаев ауданның ғана емес, ел экономикасын дамытуда еңбек етіп жүрген кәсіпкерлердің құттықтады. Одан бөлек аудан әкімінің атынан Алғыс хат табыс етті.
Салтанатты жиын барысында:
- «Altyn Orda New Company;
- «Хамле Компании ЛТД» шетелдік өндіріс орны»;
- «Маолин»;
- «Айдони»;
- «Компания Жер Ана ЛТД»;
- «Coppa Italia Trading»;
- «Чайный центр»;
- “Айкул”;
- “Айгерим Кабировна” сынды ауданға белгілі компания басшылары марапатталды.
Өз кезегінде марапатқа ие болып, еңбегі еленген кәсіпкерлер қатысушы қауымды кәсіби мерекемен құттықтап, ізгі ниеттерін жеткізді.
Сондай-ақ жиын барысында кәсіпкерлер өздерінің жетістікке жету жолымен бөлісті. Кәсіпті қалай бастағандарын, бизнесті жүргізу кезіндегі қиындықтарды да айтты.
