Теңгедегі депозиттер бойынша ең жоғары мөлшерлемелер ұлғайды. Өзгерістер 2022 жылдың 27 қазанынан бастап күшіне енеді, деп хабарлайды kazbusiness.kz.
Ұлттық Банкі базалық мөлшерлемені көтерген соң, Қазақстанның депозиттерге кепілдік беру қоры қазан және қараша айлары үшін мерзімсіз депозиттер, мерзімді және жинақ салымдары бойынша 3 және 6 айға ұсынылатын ең жоғары мөлшерлемелерді қайта қарады. Осылайша, теңгедегі депозиттер бойынша ең жоғары мөлшерлеме ұлғайып отыр.
Айта кететіні, мерзімсіз депозиттер бойынша мөлшерлеме 14%-дан 15,5%-ға дейін өсті. Ал мерзімді депозиттер бойынша 3-6 айға 16,5%-ға жетті.
Айта кетейік, Ұлттық Банк базалық мөлшерлемені 16%-ға дейін көтерген болатын.
