Ұлттық статистика бюросы 2022 жылдың қаңтар-қазан аралығындағы экономикалық көрсеткіштер туралы ақпарат жариялады, деп хабарлайды kazbusiness.kz.
Бюроның мәліметтеріне сәйкес, биылғы қыркүйекте халықтың орта есеппен жан басына шаққандағы атаулы ақшалай табыстары 152612 теңге (алдын ала деректер) болды. Бұл былтырғы қыркүйекке қарағанда 17,7% жоғары.
Көрсетілген кезеңдегі нақты ақшалай табыс өзгеріссіз қалды.
Қазан айында елдегі жұмыссыздардың саны 451 мың адам болған. Жұмыссыздық деңгейі жұмыс күші санының 4,9%-ын құрады.
“Жұмыспен қамту органдарында жұмыссыздар ретінде тіркелген адамдар саны 2022 жылғы қазанның соңына 238,2 мың адамды құрады немесе жұмыс күшінің 2,6%-ы”, – деп жазылған хабарламада.
