«Рамазан айының сыйлықтары»:WhatsApp арқылы Halyk Bank атынан тарап жүрген сілтемені ашуға болмайды, деп хабарлайды kazbusiness.kz.
WhatsApp мессенджерінде хабарлама тарап жатыр. Ондағы сілтеме арқылы өтіп, бірнеше сұраққа жауап беру керек. Одан кейін жеңіл ұтыс ойынына қатысатын сайтқа өтуге болады. Ал ақшалай сыйлықты алу үшін достар мен туыстарға сілтемені жіберу керек.
Банк өкілдерінің айтуынша, бұл тарату фишингтік схеманың бірі және оны алаяқтар азаматтардың телефондарына зиянды бағдарламаларды жүктеп алуы үшін пайдаланады.
Олардың көмегімен шабуылдаушылар телефондағы барлық ақпаратқа, соның ішінде банктік мобильді қосымшаларға толық қол жеткізе алады.
