Абай облысы Бородулиха ауданының аумағында орын алған орман өрті бойынша жедел ақпаратты ТЖМ ресми сайты жариялады, деп хабарлайды Kazbusiness.kz.
2023 жылғы 22 мамырда Алтай өлкесінің аумағындағы Новенькое ауылының маңында құрғақ шөптің жануы салдарынан “Семей орманы” МОТР аумағында орман өрті орын алды. Дереу шақыру орнына ТЖД күштері мен құралдары жіберілді.
Оқиға орнына облыс әкімінің орынбасары Димитрий Гариков барды. Әкімдіктің мәліметінше, аймақта елдімекендерге қауіп төніп тұрған жоқ.
Алайда халықты эвакуациялауға дайын. Төтенше жағдай департаментінің мамандары өртті сөндіруге талпынып жатыр.
Өрт ошағы Ресейдің Алтай өлкесі Новенькое ауылы Қазақстанның Абай облысы Бородулиха ауданы Ауыл елдімекенінен 7 шақырым қашықтықта орналасқан. Өрт лезде «Семей орманы» табиғи резерватына өтті.
Орманшылардың кеше сағат 22.50-дегі мәліметінше 70 гектар жер өртеніп жатыр.
Өртті сөндіруге ТЖД жеке құрамынан 40 адам және 10 техника, орман шаруашылығынан 108 адам және 38 техника тартылған.
Семейден қосымша өрт сөндіру техникасы оқиға орнына кетті. Ауылға кіреберісте жедел облыстық штаб құрылды. Сағат 23.07-де Семей қаласынан Ауыл елдімекеніне ҚТЖ өрт сөндіру пойызы жетті.
Орман шаруашылығының мәліметтері бойынша өрттің алдын ала ауданы 1100 га құрайды.
Орман өртін сөндіруге барлығы 88 бірлік техника (1 өрт пойызы) және 259 адам 56 бірлік техника жұмылдырылды (“Семей Орманы” МОТР 147 адам, ТЖМ 27 бірлік техника және 98 жеке құрам, 1 ҚТЖ өрт сөндіру пойызы, 10 адам, 4 бірлік техника, 4 адам ЖАО). Өртті сөндіру үшін Қазавиақұтқару МИ-873 тікұшағы жұмылдырылды. Сондай-ақ, Семей қаласының 68303 ТЖМ әскери бөлімінің жеке құрамы жіберілді, – делінген ақпаратта.
Өртті сөндіру жұмыстарының қиындауы қатты екпінді желдің салдарынан өрттің төменнен жоғарыға өтіп, оның тез таралуына әкелуде.
