2023 жылы 1 шілдеден бастап саяси қуғын-сүргін құрбандарына, мүгедектігі бар немесе зейнеткер болып табылатын адамдарға жаңа мөлшерде 1,23 АЕК немесе 4 244 теңге арнайы мемлекеттік жәрдемақы алатын болады, деп хабарлайды kazbusiness.kz.
Қазір саяси қуғын-сүргін құрбандары 1,07 АЕК немесе 3 692 теңге көлемінде жәрдемақы алуда. Саяси қуғын-сүргіннен зардап шеккен деп танылған, мүгедектігі бар немесе зейнеткер болып табылатын адамдардың мыналарға құқығы бар:
- Қамауда ұстау, бас бостандығынан айыру орындарында жазасын өтеу, жер аудару, арнайы қоныста және психиатриялық мекемелерде бас бостандығын шектей отырып мәжбүрлі еңбекке тарту уақытын зейнетақы алу үшін үш есе мөлшерде өтілге есепке жатқызу;
- қолайлы уақытта кезекті еңбек демалысын, сондай-ақ жалақысы жылына екі аптаға дейінгі мерзімде сақталмайтын қосымша демалыс алу;
- телефондарды бірінші кезекте орнату;
- қарттар мен мүгедектігі бар адамдарға арналған интернат-үйлерге бірінші кезекте орналастыру, Қазақстан Республикасының заңнамасына сәйкес толық мемлекеттік қамтамасыз етуде тұру;
- протездік-ортопедиялық бұйымдармен жеңілдікпен алу;
- оңалтуға қатысты мәселелер бойынша адвокаттардан тегін кеңес алу;
Бұдан басқа, әкімдіктер жергілікті бюджет есебінен саяси шешімдердің құрбандарына материалдық және басқа да көмек көрсету жөнінде қосымша шаралар белгілеуге құқылы.
Мәселен, жыл сайын саяси қуғын-сүргін және ашаршылық құрбандарын еске алу күніне орай жергілікті атқарушы органдар біржолғы материалдық көмек көрсетеді.
2023 жылы жергілікті бюджет қаражаты есебінен 3 692 теңгеден 30 000 теңгеге дейінгі мөлшерде 48,6 млн теңге сомасына 3 828 азаматқа біржолғы материалдық көмек көрсетілетін болады.
