Жетісу облысында тұтынушыларға жалпы 5 354 000 теңге көлемінде қаржы қайтарылды. Бұл туралы өңірлік коммуникациялар алаңында өткен брифинг барысында Жетісу облысының сауда және тұтынушылар құқықтарын қорғау департаментінің басшысы Еділ Зайтбеков айтты, деп хабарлайды kazbusiness.kz ақпарат агенттігі.
Шарада спикер ретінде Жетісу облысының сауда және тұтынушылар құқықтарын қорғау департаментінің басшысы Еділ Зайтбеков, “Жетісу” Әлеуметтік-кәсіпкерлік корпорациясы “Өңірлік даму институты” АҚ басшысының бірінші орынбасары Альмира Ибраимова, Жетісу облысы бойынша Экономикалық тергеу департаментінің аға жедел уәкілі Қуандық Зинабдинов қатысты. Спикерлер әлеуметтік маңызы бар азық-түлік тауарларының бағасын реттеу, тұтынушылардың құқықтарының сақталуы жайында баяндама жасады.
Айта кетейік, жыл басынан бері департаментке 211 өтініш түсіп, оның 127 түсіндірме, 81 өтініш оң шешілді. Сондай-ақ тұтынушыларға жалпы 5 354 000 теңге көлемінде қаржы қайтарылды. Жалпы 56 қабылдау өтті. Өтініштердің арасында көбінесе кездесетін шағымдар:
- бөлшек сауда- 92,
- тұрмыстық қызмет – 67,
- электронды сауда 31 өтініш.
