Оқу-ағарту министрлігі BilimLand, Kundelik.kz және Daryn.online интернет-платформаларына негізсіз артық мүмкіншіліктер берілген. Бұл туралы бәсекелестікті қорғау және дамыту агенттігі мәлімдеді, деп хабарлайды kazbusiness.kz ақпарат агенттігі.
Ведомство хабарлауынша, бәсекелестікті қорғау және дамыту агенттігі Оқу-ағарту министрлігіне қатысты тергеп-тексеру жүргізді. Оның қорытындысында Министрлікке қатысты монополияға қарсы заңнаманы бұзушылықтарды жою туралы нұсқама шығарылды.
“Министрлік білім беру ұйымдарында қашықтықтан оқытуды ұйымдастыру бойынша әдістемелік ұсынымдарды бекітіп, оған сәйкес сабақтарды «BilimLand», «Kundelik.kz», «Дарын.online» интернет-платформасы арқылы өткізу ұсынған. Осылайша, ақпараттық платформаларға қол жеткізу бойынша жоғарыда аталған компанияларға негізсіз артық мүмкіншіліктер беріліп, аталмыш қызметті көрсететін өзге компаниялардың бәсекелестік жағдайын шектеген”, – делінген хабарламада.
ведомствоның баспасөз қызметі мұндай актілерді қабылдау, Кәсіпкерлік кодекстің 194-бабына сәйкес тыйым салынатындығын түсіндірді.
Қазіргі уақытта БҚДА нұсқамасын орындап, Министрлік әдістемелік ұсынымдардың күшін жойды.
