Алматыда полиция ер адамды атып өлтірген күдіктіні ұстады. Қанды оқиға 30 маусымда болған деп хабарлайды Kazbusiness.kz
30 маусымда Байзақов көшесінде ер адамға оқ тиіп, ол қаза тапты. Тәртіп сақшылары бұл қылмысқа күдіктіні ұстады. Күдіктінің тағы да кісі өлтіргені үшін іздеуде жүргені анықталды.
“Алматыда бір күн бұрын кісі өлтіру оқиғасы орын алды, күдікті 1991 жылы туған Ж. есімді азамат болып шықты. 2009 жылдың жазында 17 жастағы Ж. достарымен бірге Сарқанд қаласында ауыр қылмыс жасады”, – деп хабарлады ПД.
Ал журналист Михаил Козачковтың мәліметіне сәйкес күдікті 2009 жылы досымен бірге Сарқан қаласында ерлі-зайыптыларды өлтіріп, мәйітін бөлшектеп тастаған. Кейін жергілікті полицейлердің бірін атып өлтіріп, екіншісін жарақаттапты.
“Қалаға полицияның 500-ден аса қызметкері жіберілді, Астанадан республикалық криминалдық полиция басшысы келді. Жігіттерді Талдықорған қаласынан келген жедел қызметкер Абзал Мүсірепов ұстады”, – деп жазды ол.
Олар егде жастағы ерлі-зайыптыларды өлтіріп, бөлшектеп тастаған, содан кейін қолдарына қару алып көшеге шыққан. Жергілікті полиция оларды екі рет ұстауға әрекеттенді – олар біреуін атып, екіншісін жаралады.
Күдікті 2019 жылдан бері іздеуде болған.
