Қостанай облысының оңтүстіктегі екі ауданында егістік алқаптарын шегірткелер басып қалды. Жәндіктер егіндіктерге орасан зиян әкелуде деп хабарлайды Kazbusiness.kz
Шаруалардың сағы сынып, мемлекеттік көмегіне деген үміті де өшкен.
“Биыл бізде егін жинау қиын. Себептердің біріншісі – 10 мың гектарға жуық жерді таптап кеткен еліктердің проблемасы. Ал қазір шегіртке.Биыл 10500 гектар жерді алып тастадық, қалғанын шегіртке жеп қойды.
Бұл мәселеде бізге ешкім көмектеспейді, әртүрлі органдарға жүгіндік. Кеше бір бөлімше келді, оның өзінде қажетті химиялық заттары жоқ, ұшақта жанармай жоқ. Еліктен қорғанып, шөп шаба алмадық, енді оны шегіртке жеді. Қыста малға не беретінімізді білмейміз. Шаруашылығымызда 200 бас мал бар, оны не істеуіміз керек?Бұл мәселені қайда шешуге болатынын білмеймін”, – деді шаруа қожалығының басшысы.
Әлеуметтік желілерде тұрғындар егістіктен түсірілген кадрларды жариялауда. Халық қоғам пен жергілікті биліктен жауап күтеді.
“Көлік жүргізу мүмкін емес! Бұл сұмдық, тіпті аударылып кетуің мүмкін”, – дейді кадрдағы ер адамдар.
Қостанай облыстық аумақтық инспекциясы шегірткелердің пайда болуы мен таралуына мониторинг жүргізу бойынша жұмыс күн сайын жүзеге асырылатынын хабарлады.
“Шегірткелер үйірінен қорғау шаралары күн сайын жүргізілуде, алайда ауа-райы мен климаттық жағдайлар химиялық өңдеулерді жүргізуге әрдайым мүмкіндік бермейді. Химиялық өңдеуді таңертең және кешке +25 градустан төмен температурада жүргізуге болады. Бүгінгі күні барлық өңдеу жұмыстары жүргізілуде және жалғасуда. Қорғаныс шараларын жүзеге асыру үшін техниканың мынадай түрлері тартылған: жердегі желдеткіш бүріккіштер – алты бірлік, авиация – екі бірлік, газ генераторлары – қауіп төнгендіктен орнын ауыстыратын бес қондырғы бекітілді. Бүгінде техника Жангелдин, Амангелді және Науырзым аудандарында химиялық жұмыстарды бақылау және жүргізу үшін таратылды”, – деп хабарлады инспекция.
Ведомство қазіргі уақытта барлық техникалық құралдар бар екенін, химиялық өңдеу жүргізіліп жатқанын, шегірткелер үйірінің үлкен аумақтарға таралу қаупін жою бойынша шаралар қабылданғанын атап өтті. Химиялық заттар мен техниканың жеткілікті қоры бар.
Жангелді ауданында шегірткенің ең көп таралған ауданы 242 мың гектарға жуық, Амангелді ауданында 14 мың гектарды құрайды.Сонымен қатар, шегірткелердің Жангелді ауданы жағынан Науырзым өңірінің шекаралас аймақтарына, оның ішінде кейбір жергілікті ауыл шаруашылығы тауар өндірушілерінің егініне айтарлықтай зиянсыз өту фактілері тіркелді. Қазіргі уақытта шегірткелердің негізгі бөлігі ауылшаруашылық дақылдарынан Жангелдин ауданының дала аймағына көшті.
