Синоптиктер шілдеде құрғақшылық болуы мүмкін облыстарды атады, деп хабарлайды kazbusiness.kz ақпарат агенттігі.
“Болжамға сәйкес, шілдеде Қазақстанның үлкен аумағында ылғалдандыру шарттары негізінен нормаға жақын болады деп күтілуде”, – деп атап өтті синоптиктер.
Орташа құрғақшылық:
- Ақмола облысының Жарқайың ауданында;
- Қостанай облысының Жангелді ауданында;
- Ақтөбе облысының Әйтекебис ,Ырғыз аудандарында;
- Қарағанды облысының Шет және Ақтоғай аудандарында;
- Түркістан облысының Қазығұрт, Шардара және Отырар аудандарында күтіледі.
“Қызылорда облысының Қармақшы ауданында және Қостанай облысының Амангелді ауданында қатты құрғақшылық болуы мүмкін”, – деп ескертті “Қазгидромет”.
Қалыпты ылғалды ауа райы Солтүстік Қазақстан облысының Есіл ауданында, Петропавлда және Батыс Қазақстан облысының Казталов ауданында болжанады.
