ІІМ есірткі қылмысына қарсы іс-қимыл департаменті Павлодар облысының полиция департаментімен бірлесіп жедел-тергеу іс-шараларын жүргізу барысында Қазақстан Республикасы арқылы героиннің ірі партиясының транзит арнасының жолын кесті, деп хабарлайды kazbusiness.kz порталы Polisia.kz сайтына сілтеме жасап.
“Ағымдағы жылдың шілде айында арнайы мақсаттағы бөлімшелердің жауынгерлерінің күшпен қолдауымен Павлодар–Омбы қатынасында Қырғызстаннан Ресейге қарбыз тасымалдаған VOLVO маркалы жартылай тіркемесі бар жүк көлігінде салмағы 59 килограмнан асатын “героин” есірткі заты бар 21 полиэтилен брикет тәркіленген Қырғызстан Республикасының 54 жастағы азаматы ұсталды, сондай-ақ салмағы 10 кг-нан асатын “гашиш” есірткі заты бар екі брикет, – деді ІІМ қарсы іс-қимыл департаменті бастығының орынбасары Асқар Мұхаметқалиев.
Бұл шамамен 250 мың бір реттік доза, оның құны “қара” нарықта 2,5 миллион доллардан асады. “Айналыстан алынған заттардың немесе айналысы шектелген заттардың контрабандасы” бабы бойынша сотқа дейінгі іс жүргізу басталды. Қылмыстық қызметті ұйымдастырушыға мүлкі тәркіленіп, 20 жылға дейін бас бостандығынан айыру қаупі төніп тұр.
“Қазіргі уақытта осы есірткі қылмысына өзге де қатысушылар мен ұйымдастырушыларды, сондай-ақ есірткі жеткізудің басқа да ықтимал арналарын анықтау бойынша жұмыстар жүргізілуде”, – деп атап өтті Асқар Мұхаметқалиев.
