Абай облысы Бесқарағай ауданындағы орман өрті 11 күн бойы сөндірілді деп хабарлайды Kasbusiness.kz
“Семей орманы” Мемлекеттік орман табиғи резерваты өкілдерінің айтуынша, 26 шілде күні сағат 18:00-де Бесқарағай аймағындағы орман өрті толығымен сөндірілді. Өрт аумағы 385 гектарды құрады.
Еске салайық, 15 шілдеде өртке қарсы қызметке Бегеневский орман шаруашылығында құрғақ шөп өртеніп жатқаны және орман қорына қауіп төніп тұрғаны туралы хабарлама түскен. Оқиға орнына “Семей орманы” ТЖМ және Абай ауданы Төтенше жағдайлар департаментінің қызметкерлері дереу аттанды.
Абай облысы Төтенше жағдайлар департаменті азаматтарды өрт қауіпсіздігі ережелерін сақтауға шақырады.
