Дикий Арманның оң қолы, белгілі айтыскер ақын Айнұр Тұрсынбаеваның күйеуі Нұржан Иманәлиев тұтқындалды деп хабарлайды Kazbusiness.kz
Бүгін ІІМ “Дикий Арманның” қылмыстық тобының 80-нан астам мүшесі ұсталғанын мәлім етті.
Қуандық Алпыстың айтуынша, Нойс – Жұмагелдиевтің оң қолы әрі басты одақтасы. Осыған дейін ол Қазақстаннан тыс жерде, халықаралық іздеуде болған.
“Карас та Жұмагелдиевпен тығыз байланыста. Ол бұрын бірнеше рет сотталған. Қазір қаңтар оқиғасы кезіндегі жаппай тәртіпсіздікке қатысқаны үшін қамауға алынды”, – деді Алпыс.
Оның айтуынша, Нойс бірқатар ауыр қылмыстарға, соның ішінде 2018 жылы Алматы тұрғынын өлтіруге оқталуға қатысы бар деген күдікке ілінген. Дәл осы факті бойынша оған халықаралық іздеу жарияланды. Қылмыстық іс бірнеше жыл бойы ашылмай келді. Қазіргі уақытта тергеу амалдары жүргізілуде.
