Павлодар облысында Ертіс өзенінен 9 күн бұрын белгісіз жағдайда жоғалып кеткен ер адамның денесі мен көлігі табылды деп хабарлайды Kazbusiness.kz
Белгілі болғандай, құтқарушылар 16 маусымда түсініксіз жағдайда жоғалып кеткен ер адамды үш күн бойы іздестірген.
“25 маусымда Ертіс өзенінде жедел-іздестіру шаралары барысында бес метрдей тереңдіктен 10-15 метр қашықтықтан эхо-зонометрдің көмегімен автокөлік табылды. Сүңгуір суға түсіп, көліктің төңкеріліп жатқанын растады. Арнайы техниканың көмегімен көлік жағаға шығарылып, 102 қызметіне тапсырылды. Көлік ішінен жоғалған адамның денесі табылды”, –делінген Павлодар қалалық төтенше жағдайлар бөлімінің мәліметінде.
Осы күндер ішінде полицейлермен бірге жергілікті VITA іздеу жасағының еріктілері де ер адамды іздеген. Олардың айтуынша, жоғалған күні таңертең 32 жастағы павлодарлық азамат “Mazda” көлігін Заңғар ауылынан Ямышево ауылына қарай айдап кетіп, сол жерден құрал-саймандарын алып, жұмысқа шығуы тиіс болған. Бірақ сол күйі шықпаған. Еріктілер сол күні марқұмның WhatsApp желісі арқылы туыстарына видео жолдағанын, содан кейін телефоны өшіп қалғанын анықтады.
Кейін іздеушілер ер адамның соңғы рет болған жерін анықтағанын хабарлайды. Айтуларынша, бұл оның телефонының бағытын анықтау және сараптама арқылы расталған. Еріктілер жақын жерде тік жартас бар екенін атап өткен. Су бетін зерттеу үшін жаңғырық пайдаланылған.
“Кеше біз көмек сұрап жүгінген адамдардың бірі бұл жерді жаңғырықпен тексерді, қазір көлік өзеннен шығарылды. Жігіт табылды, қаза тауыпты. Қандай сезімде тұрғанымызды айтудың өзі қиын. Отбасы мен жақындарына шын жүректен көңіл айтамыз”, – деп жазды еріктілер Instagram парақшасында.
Айта кетейік, жоғалған адамды іздеуге әскери қызметкерлер мен кинологтар да жұмылдырылған.
