Балқаш көлінің жағдайы соңғы кездері уайым тудырады. Әлемнің ең ерекше көлдерінің бірі, еліміздің табиғи байлығына айналып кеткен жерімізге қауіп төніп тұр. Сонда Балқашымызға не болды екен? Informburo.kz журналистері бұл туралы арнайы сюжет түсірді, деп хабарлайды kazbusiness.kz.
“Көл жыл сайын таяз болып бара жатыр. Балық жоқ, браконьерлер көп. Жағалаудың бәрі балшықта: бөтелкелер, нәжіс, зәр. Дәретхана болмаса басқа нені күтуне болады? Экологиялық жағдайды өзіңіз көріп отырсыз, – деп Балқаш тұрғыны Еркін Темірбеков жергілікті зауыттың түтін құбырларын көрсетіп күрсінді. 15-20 жылдан кейін Аралдың тағдыры қайталанбаса болды. Егер жыл сайын осылай жалғаса берсе, ақыры соған жетеміз”.
Балқаш көлемі бойынша әлемде 14-ші, ал Каспийден кейін Қазақстанда екінші орында тұр. Бірақ жағдай өзгеруі мүмкін. Себебі, Іле өзенінің бойында Балқаштың басты саласы – Қытайда өнеркәсіптік кәсіпорындар мен суару үшін жүздеген су қоймалары мен бөгеттері салынды. Бұл көлге су ағынын азайтады. Қазақстандық жағынан да жағдай жақсы емес – өнеркәсіптік кәсіпорындар өз өндірісі үшін бірегей көлден суды пайдаланады. Бірақ шенеуніктер дабыл қағуға асықпайды: олар су деңгейі сыни деңгейге жеткенше айтады.
