Абай облысындағы алапат өрт кезінде қаза тапқандардың тізімі жарияланды деп хабарлайды Kazbusiness.kz
Әзірге 5 адамның аты-жөні белгілі.
Опат болғандардың ең жасы – Серікжан Тоқтасын. Ол 1996 жылы туған. Сонымен қатар марқұмдардың арасында Александр Сидорин, Саят Нұржігітов, Алексей Губаев және Амангелді Дүйсембаев есімді азаматтар бар.
Абай облысындағы орман өртін сөндіруге қатысып, қаза тапқан 5 орман қызметкерінің жеке басы анықталды. Облыс полицейлері өрт орнында хабар-ошарсыз кеткен 14 адамның денесін тапты. Қазіргі өрт кезінде қайтыс болған тағы 9 адамның жеке басы нақтылану үстінде», – делінген хабарламада.
Ақпаратта айтылғандай, бүгінде өрт фактісі бойынша Қылмыстық кодекстің 292-бабының 3-бөлігі бойынша сотқа дейінгі тергеп-тексеру шарасы жүріп жатыр.
«Біз қызметтік міндетін атқару кезінде қаза тапқан орман қызметкерлерінің отбасы мен туыстарына қайғырып көңіл айтамыз», – дейді ведомстводан.
