Белгілі қазақстандық әртіс Төреғали Төреәліге билік өкілдеріне тіл тигізгені үшін қылмыстық іс қозғалды, деп хабарлады Kazbusiness.kz
Полицияның мәліметінше, медициналық тексеруге сәйкес Төреғали Төреәліні әкімшілік қамаудан босатуға еш негіз жоқ.
Сондай-ақ Қылмыстық кодекстің 378-бабымен қылмыстық құқық бұзушылық белгілері бойынша қылмыстық іс тіркелді, – деп хабарлады полиция.
378-бап “Билік өкіліне тіл тигізу” бойынша айыпты адам 80 айлық есептік көрсеткішке дейінгі мөлшерде айыппұл төлейді, не сол мөлшерде түзеу жұмыстарына жегіледі. Не болмаса 80 сағатқа дейінгі мерзімге қоғамдық жұмыстарға тартылады, сондай-ақ бұл бап бойынша 20 тәулікке дейінгі мерзімге қамауға алынады.
