Республикалық бюджеттен жұмыс істемейтін ата-аналарға бала күтімі бойынша жәрдемақыны 107,2 мың адам алды, деп хабарлайды kazbusiness.kz порталы ҚР Үкіметінің Telegram-каналына сілтеме жасап.
Мемлекет басшысының тапсырмасын орындау аясында бала күтімі бойынша төлемдердің ұзақтығы 1,5 жасқа дейін ұлғайтылғаны белгілі.
Үкіметтің мәліметінше, 2023 жылғы 1 тамыздағы жағдай бойынша республикалық бюджеттен жұмыс істемейтін ата-аналарға 20,9 млрд теңге сомаға 107,2 мың адам жәрдемақы алды.
Жұмыс істейтін ата-аналар үшін әлеуметтік сақтандыру мемлекеттік қорынан 144,8 млрд теңге сомаға 439,6 мың адам табысынан айырылу бойынша әлеуметтік төлем алды.
