“Аssyltas” қоғамдық қоры 21 мен 35 жас аралығындағы ҚР Республика азаматтарына 5 млн-ға дейін 0% бен қайтарымды көмек береді, деп хабарлайды kazbusiness.kz.
“Құрметті жас кәсіпкерлер, сіздер үшін тамаша мүмкіндік! Tas Group компаниялар тобына қарасты Assyltas қоғамдық қоры 21 бен 35 жас аралығындағы Қазақстан Республикасының азаматтарына 5 миллионға дейін 0%-бен қайтарымды қаржылай көмек береді” – деп хабарлады қор.
Жарияланған мәліметтерге сәйкес Assyltas бизнес HELP жобасына келесі топтағы адамдар қатыса алады:
— 21-35 жас аралығындағы ҚР азаматтары;
— шағын кәсібі бар азаматтар.
Жоба кезеңдері:
- Сауалнама толтыру;
- Бизнес-жоспар мен бейнеролик жолдау;
- Жобаны қорғау;
- Жеңімпаздарды анықтау және марапаттау.
Жобаға қатысу үшін қойылатын талаптар:
— кәсібі жайында қазақ тілінде 1-3 минуттық бейнеролик дайындау және бизнес-жоспар жасау.
Қандай жобаларға басымдық беріледі?
— салауатты өмір салтын қалыптастыру;
— өндіріс;
— қазақ тілін дамыту жобалары;
— мобильді қосымшалар;
— ұлттық өнер.
Конкурсқа қатысу үшін assyltas.kz сайтындағы онлайн сауалнаманы толтыру керек. Сауалнаманы толтырғаннан кейін бизнес-жоспар мен бейнероликті, жеке куәлікті assyltasfoundation@gmail.com жолдау қажет. Толығырақ ақпаратты қоғамдық қор сайтынан таныса аласыздар.
