Бірыңғай жиынтық төлем (БЖТ) –салық органдарында өз-өзін жұмыспен
қамтығандардың қызметін тіркеудің оңайлатылған тәртібі.
Коммерциялық емес акционерлерлік қоғам (КЕАҚ) – кiрiс түсiру негiзгi мақсаты
болып табылмайтын және алынған таза кiрiстi қатысушылар арасында бөлмейтiн заңды тұлға коммерциялық емес ұйым деп танылады.
Экономикалық қызмет түрлерінің жіктеуіші (ЭҚТЖ) – экономикалық қызмет түрлері бойынша өнімді жіктеу және кодтау тәртібін және өнім кодтарын белгілейді.
Акциз – тұтыну тауарларының және көрсетілетін қызметтердің бағасына қосымша салынатын салықтың бір түрі.
Лизинг– бұл лизинг берушінің (жалға берушінің) өзіне тиесілі құрал- жабдықтарды, машиналарды, ұйымдастыру техникаларды, өндіріске, саудасаттыққа және қоймаға арналған құрылғыларды лизинг алушыға (жалгерге) лизингтік төлем төлеу
шартымен, белгіленген мерзімге пайдалануға беруін қарастыратын жалға беру шарты.
Патент – мемлекеттің жеке адамға (фирмаға) беретін және онын өнертапкыштыкты белгілі бір мерзім ішінде пайдалануына ерекше құқықты мойындауды қамтамасыз ететін құжат; салық төлеушілердің жекелеген топтары үшін жеңілдетілген салық режимін тағайындайтын құжат; белгіленген шарттарды сақтау мен (төлемді енгізу (патенттік алым) кезінде, белгілі бір қолөнер кәсібі немесе тірлікпен (сауда,
тауарды сатып алу және т.б.) айналысуға рұқсат беретін құжат.
Бизнес сәйкестендіру нөмірі (БСН) – заңды тұлға (филиал және өкілдік) және бірлескен кәсіпкерлік түрінде қызметті іске асыратын жеке кәсіпкер үшін қалыптастырылатын бірегей нөмір.
Трансферттік баға – компаниялар тобының дербес құрылымдық бірліктері арасында
немесе корпорация ішінде қолданылатын ішкі фирмалық баға.
Дара кәсіпкер (ДК) – Қазақстан Республикасы азаматтарының, оралмандардың таза кіріс алуға бағытталған, жеке тұлғалардың өздерiнiң меншiгiне негiзделген және жеке тұлғалар атынан, олардың тәуекел етуімен және мүлiктiк жауапкершiлiгiмен жүзеге асырылатын дербес, бастамашыл қызметi.
Активтер – өндірістік және бейөндірістік мақсаттағы жылжымайтын және жылжымалы
мүлік түріндегі меншік, сондай-ақ шаруашылық мақсатта пайдаланылып жүрген жер, ормантоғай, пайдалы қазбалар қоры, ақшалай құны бар, заңи және жеке тұлғалардың меншігі болып табылатын нәрселердің бәрі.
Дереккөз: «Бизнеске бағыт» кітабы,
Дәулет Төлеутайұлы,2021
