ProTenge мәліметінше, ай сайын 200 мыңға жуық қазақстандық eOtinish сервисін мемлекеттік мекемелерге сұрақтар қою немесе шағым жазу үшін пайдаланады екен. Қазірдің өзінде айтылған сервис 2,5 миллионнан астам өтініштерді өңдеген.
Бүгінгі күні сервиске 25 мың ұйым қосылған. Олардың ішінде ресми әкімдіктер, билік органдары және соттар, тіпті Ұлттық компаниялар бар. eOtinish-те әр азамат өзін алаңдататын сұрақтарды қашықтан қоя алады немесе белгілі бір саланы дамытуды өтіне алады, сондай-ақ біреудің жұмысына шағымдана алады. еOtinish арқылы тіпті сотқа жүгінуге болады.
Өтініш берудің жолы:
- Жүйеге кіріңіз. Кез келген қолжетімді авторизация әдісін пайдаланып жүйеге кіріңіз;
- Өтінішті толтырыңыз. Өтінішті жіберу үшін форманы толтырыңыз, қажет болса файлдарды тіркеңіз;
- Өтінішке қол қойыңыз. Өтініш формасын толтырғаннан кейін ЭЦҚ немесе бұлтқа негізделген ЭЦҚ кілті (Digital ID) көмегімен қол қойыңыз;
- Орындалуын қадағалаңыз. «Менің өтініштерім» қойындысындағы мәртебе өзгеруін қадағалаңыз;
eOtinish қай жерде қолжетімді?
1. eGov Mobile қосымшасына телефон нөмері арқылы тіркеліп, басты беттегі eOtinish-ті таңдауға болады.
2. Aitu қосымшасына тіркеліп, Aitu Apps бөлімінен eOtinish-ті таңдауға болады.
3. eotinish.kz сайтына арқылы тіркелуге мүмкіндік бар.
Айта кеткен жөн, сіз жіберген сауалға сапалы жауап беру мемлекеттік органдардың кәсібилігіне байланысты. Егер сізге берілген жауап ұнамаса немесе мемлекеттік мекеме жауап бермесе, онда eOtinish арқылы мұндай жауапқа да шағымдануға болады.
