Соңғы он жылдықта қант диабетімен ауратын қазақстандықтар саны екі есе өсіп, бүгінгі күні 400 мың қазақстандық қант диабетінен зардап шегуде. Қант диабеті- қандағы глюкозаның көтерілуімен көрініс табатын потологиялық сырқат. Емлелушілердің зат алмасу процесі нашарлап, инсулин дәрісі арқылы емделуге мәжбүр.Осы орайда kazbusiness.kz оқырмандарға қант диабетінің симптомдарымен таныстырмақ. Қант диабетінің пайда болу себептері ретінде: иммунитеттің әлсіреуі,зат алмасу процессінің нашарлауы, артық салмақ секілді факторлар саналады. Сонымен қатар дәрігерлер генетика арқылы да қант диабетіне шалдығу мүмкіндігін жоққа шығармайды. Қант диабетімен сырқаттанушылар үнемі стресске шалдығып, иммунитеті нашарлап, зат алмасу, тамақ қорыту процесстерінің нашарлауымен бірге жүреді. Аталмыш сырқатпен аурушылар көбіне мынандай симптомдар жайлы айта өткен: көру қабілерінің нашарлауы,бас айналу, ұйқысыздық, лезде толу не лезде арықтау, теріде іріңдердің пайда болуы. Кез-келген потологиялық аурулардың алдын алу үшін мүмкіндігінше әр алты ай сайын тексеріліп, сырқаттың алдын алған жөн. Көп аурулардың ағзаға қатты әсер етуіне иммунитет әлсіздігі бірден бір себеп.
