Ұлттық банктің мәліметінше, 1 шілдедегі жағдай бойынша депозиттердің жалпы көлемі 26,4 трлн теңгеден асты. Ал 2022 жылдың 1 қаңтарына – 26 трлн теңге. Өсім – 424 млрд теңге немесе 1,6% құрауда.
Жалпы соманың (26,4 трлн теңге) шетелдік валютадағы салымдарға 10 трлн теңгеден астамы тиесілі.
Сонымен қатар, қазақстандық банктердегі мерзімді депозиттерде 15,5 трлн теңге, ағымдағы шоттарда – 8,3 трлн теңге жинақталған. Ең аз ақша талап етілгенге дейінгі салымдарда – 1,2 трлн теңге, жинақ салымдарында – 1,1 трлн теңге және шартты салымдарда – 220,7 млрд теңге бар.
Айта кетейік, заңды тұлғалар қаражатты ағымдағы депозиттерде (6 трлн теңгеден астам) және шартты депозиттерде (216,7 млрд теңге) сақтауды жөн көреді. Ал жеке тұлғалар негізінен шұғыл (9,3 трлн теңге), талап етілгенге дейінгі салымдарда (1,1 трлн теңгеге жуық) және жинақ салымдарында (995 млрд теңге) ақша жинақтайды.
