Қазақстанда 1 шілдеден бастап газ бағасы өседі, деп хабарлайды kazbusiness.kz.
ҚР Энергетика министрлігі ішкі нарыққа арналған тауарлық газдың шекті көтерме бағасы орташа есеппен 15%-ке көтерілетінін айтты. Қазір халық үшін тауарлық газдың орташа бөлшек сауда бағасы – 22,06 теңге/м3.
«Тауарлық газға шекті көтерме баға 15%-ке ұлғайғанда тұрғындар үшін бөлшек сауда бағасы өңірге байланысты 1,1-ден 3,87 теңге/м3-ге дейін (ҚҚС-ты есептемегенде) өседі, орташа өсім шамамен 2,7 теңге/м3 құрайды», – деп хабарлады Энергетика министрлігі.
Жаңа тариф биыл 1 шілдеден бастап енгізіледі.
