Қаржы министрлігі 2023 –2025 жылдарға арналған республикалық бюджет туралы заң жобасын талқылауға шығарды.
“Ашық НҚА” сайтында жарияланған құжатта келесі жылы бекітілетін ең төменгі жалақы мен зейнетақының мөлшері жарияланды.
Сондай-ақ, заң жобасының 8-бабында жәрдемақылар, әлеуметтiк төлемдер, айыппұлдар, салықтар және басқа да төлемдердi қолдану үшiн минималды есептік көрсеткіштің мөлшері де бар.
Олар:
-
жалақының ең төмен мөлшерi – 60 000 теңге;
-
мемлекеттік базалық зейнетақы төлемінің ең төмен мөлшері – 21 907 теңге;
-
зейнетақының ең төмен мөлшерi – 53 076 теңге;
-
айлық есептiк көрсеткiш – 3 450 теңге;
-
базалық әлеуметтiк төлемдердiң мөлшерлерiн есептеу үшiн ең төмен күнкөрiс деңгейiнiң шамасы – 40 567 теңге.
Айта кетері, биыл сәуір айынан бастап Қазақстанда айлық есептік көрсеткіш 3 180 теңгеге дейін көтерілген.
Мемлекеттік базалық зейнетақы төлемінің ең төмен мөлшері – 20 191 теңге, зейнетақыны ең төменгі мөлшері – 48 032 теңге, ал ең төмен күнкөрiс деңгейi 37 389 теңгені құрайды. Жалақының ең төменгі мөлшері – 60 000 теңге.
