Жергілікті қоғам қайраткерлері Балқаш жағалауы курорттық аймағына алаңдаулы. Айтуынша, көлдің жағалары полигонға ұқсайды. Белсенділер Әкімшілік кодекске шұғыл өзгерістер енгізуді талап етеді, деп хабарлайды kazbusiness.kz деп хабарлайды 31-арнасының Информбюро жаңалықтар бағдарламасына сілтеме жасап.
Заңгер, ерікті және Балқаш әкімінің кеңесшісі Анар Адамбекова төрт жылдан бері Балқаш көліндегі тазалық үшін күресіп келеді. Жағалауда қоқыс жәшіктері орнатылды, әр апта сайын “Таза бейсенбі” өтеді. Бірақ сонда да аймақ қоқысқа толып кетеді.
“ӘҚБтК-нің 505-бабында ескерту немесе айыппұл көрсетілген. Әрине, олар бірінші кезекте ескерту жасайды. Қайталанған кезде айыппұл қарастырылады. Бірақ ол адам тағы қайталамай ма деп бір ай бойы бақылап отыруым керек. Бұл мүмкін емес. Қазір осы бапты қатаңдатып, “ескерту” шарасын алып тастап, тікелей айыппұл салу үшін хат дайындап жатырмыз”, – деді қоғам белсендісі Анар Адамбекова.
Әкімдікте шаралар қабылданып жатыр, полиция рейдтер жүргізуде.
“Біз барлық техниканы тартамыз. Бүкіл қала мұнымен айналысуда. Бірақ тұрғындар бұған бей-жай қарайды. Қоқыс тастайтындар жетерлік”, – деп мәлімдеді Балқаш қаласының ТКШ бөлімінің басшысы Әнуар Самиев.
Адамбекова сауалнама жүргізген және адамдардың 62%-ы тұрғындардың жауапкершілігі төмен екенімен келіскен.
Балқаш қаласы Қазақстанның үздік он туристік қалаларының қатарына кіреді, бірақ шетелдіктерді мұнда шақыру ұят. Үш жағажайды тазалағаннан кейін екі күннен кейін 25 қап қоқыс жиналады.
