Қаржылық мониторинг агенттігінің Алматы қалалық департаменті заңсыз криптовалюта айырбастаумен айналысқан азаматтың ісіне тосқауыл болды. Ол небәрі 2 жыл аралығында 94 миллион теңге пайда көрген, деп хабарлайды kazbusiness.kz.
Департамент дерегіне сүйенсек, қала тұрғыны 2019-2022 жылдар аралығында криптовалюта айырбастаумен айналысып, сол арқылы қамтамасыз етілмеген цифрлық активтерді заңсыз айналымға түсіріп, ірі көлемде кіріс алған.
“Тергеу барысында интернет-ресурс тіркеусіз және қаржылық қызмет көрсетуге лицензиясыз түрлі криптовалюталарды сатып алу-сату қызметтерін көрсеткені анықталды. “Binanсe” крипто-әмиянына түскен қаражат көлемі 693 мың долларды немесе шамамен 310 миллион теңгені құрады. Ал 2020-2021 жылдардағы жеке кәсіптің жалпы жылдық кірісі 94 миллион теңгеге жуық”, – делінген ақпаратта.
Қазіргі уақытта сот жеке кәсіпкерді кінәлі деп танып, айыппұл төлеу жазасын тағайындаған.
