Алматыда екі адам TikTok арқылы қолданушылардан ақша алып, онлайн құмар ойындарды ұйымдастырған, деп хабарлайды kazbusiness.kz.
ҚМА қалалық департаменті өкілдері әлеуметтік желіде заңсыз ойын бизнесін ұйымдастырушылардың әрекетін тоқтатты.
Тергеу барысында олардың әлеуметтік желіде 4 ай бойы заңсыз ойын бизнесін ұйымдастырып, 13 миллион теңгеге жуық ақша алғаны дәлелденді.
Алматының екі тұрғыны кінәлі деп танылып, 1,5 жылға бас бостандығынан айырылды.
Сонымен қатар, сот заңсыз ойын бизнесі саласында аса ірі көлемде ақша алған, осыған ұқсас құқықбұзушылық жасаған төрт адамға қатысты іс қарап жатыр.
