Соның ішінде шыққанына 10 жылдан асқан көліктер саны – 2,76 миллионға тең, бұл 2022 жылдың басындағы көрсеткіштен бірден 14,7%-ға өскен.
Сондай-ақ, Қазақстандағы 10 темір тұлпардың 5-і 20 жылдан асқан екен, бұл дегеніміз, 2 миллионға жуық автокөлік. Орта есеппен, елімізде 10 мен 20 жас аралығындағы 816 мың автокөлік бар.
Жалпы, Қазақстандағы 10 жастан асқан барлық жеңіл автокөліктердің үштен бір бөлігі тек үш облысқа тиесілі:
Алматы облысы – 406,6 мың, Алматы – 310,6 мың және Шығыс Қазақстан облысында – 211,8 мың дана.
Ал, 20 жастан асқан «старушкалар» туралы тарқатып айтатын болсақ, бұл көліктердің жартысына жуығы бес облысқа тиесілі. Яғни, Алматы облысында (317,8 мың дана), Алматыда (177,2 мың дана), Қарағандыда (157, 3 мың дана) , Шығыс Қазақстанда (154,9 мың дана) және Жамбылда (145 мың дана).
Бұл ретте Қазақстан Республикасы бойынша тұрғындары «автоқоқыстарды» қаламайтын екі өңір бар екенін де біліңіз. Олар – Атырау облысы және Астана қаласы, мұнда 10 жылдан асқан автокөліктер автопарктің жартысынан азын құрайды: тиісінше 45,5% және 48,1%.
