Аймақтағы әлеуметтік саланың жағдайы қалыпты. Облыста 37,2 мың жұмыс орны құрылған, оның 26,3 мыңы тұрақты жұмыс орындары болып саналады. Алайда, Балқаш, Кеген, Ұйғыр және Райымбек аудандарында жылдық жоспар көзделген межеге жетпеген.
Бүгінгі күні Кәсіпкерлікті дамытудың ұлттық жобасы аясында жұмыссыздықпен жұмыстары жүргізілуде. Аталған жоба шеңберінде 18,7 мың жұмыссыз азаматтарды оқытуға былтырғы жылы 5,6 млрд. теңге бөлінген.
Жоба аясында халық қысқа мерзімді оқуға, жастар тәжірибесіне, әлеуметтік жұмыс орындарына және қоғамдық жұмыстарға тартылып жатыр.
Алайда, осы оқытқан адамдардың 79% ғана жұмысқа орналасқан, яғни қалған 21%-на оқудан ешқандай нәтиже жоқ, бұл бюджет қаражатының пайдалану тиімділігін төмендетіп отыр.
Жалпы, аймақта 31,8 мың жұмыссыз азаматтар тіркелген, жұмыссыздық деңгейі 4,7% көрсетіп, республикада 4-ші орынды иеленудеміз.
Өңірде өзін-өзі жұмыспен қамтығандар саны 196 мың адам, бұл көрсеткішпен облыс республикада 19 орынға табан тіреді.
