Бүгінгі таңда өңірде сүт өндірумен 89 кәсіпорын айналысады. Олардың ішінде Еңбекшіқазақ ауданындағы әйгілі “Adal Сүт” ЖШС сүт зауыты, Талғар ауданындағы екі зауыт: күніне жалпы 37,5 тонна сүт беретін “Алматы асыл тұқымды мал зауыты” және балалар мен ересектерге арналған емдік – профилактикалық сүт тағамдарын шығарумен айналысатын “Амиран” Қазақ тағамтану академиясының зауыты көшбасшы болып табылады. Сондай-ақ, Қаратал ауданындағы “ТастобеАгроФуд” ЖШС күніне 10 тонна сүт алады.
Алматы облысы аталған өнімді өндіру бойынша жетекші позицияларды Солтүстік Қазақстан облысымен бөліседі. Еліміздің солтүстік өңірі -75,7 мың тонна сүт шығарады. Сондай – ақ, сүт өндіруде бірінші орында Ақмола облысы-34,2 мың тонна және Қостанай облысы-28,5 мың тоннамен алдығы орында тұр.
Сонымен қатар, сарапшылар елімізде сүт жылына 22% – ға қымбаттағанын атап өтті. Бұл сектордағы өндірістің қысқаруына байланысты. Energyprom.kz порталының мәліметтері бойынша 2022 жылғы маусымда сүт бағасы 2,4% – ға, жыл басынан 17,2% – ға, ал бір жыл ішінде 21,5% – ға өсті. Айта кету керек, өткен жылы бағаның жылдық өсуі тек 9,5% құрады.
2022 жылдың қаңтар-мамыр айларында 235,3 мың тонна сүт пен кілегей өндірілді, бұл өткен жылмен салыстырғанда 7% – ға аз. Бұл 6 жылдық үздіксіз өсуден кейінгі алғашқы құлдырау деп саналуда.
Ішкі нарықтағы сату көлемі 3,7%-ға-192 мың тоннаға дейін төмендеді, ал экспорт екі есеге – 5,6 мың тоннаға дейін қысқарды.
Сонымен қатар, 2022 жылдың бірінші тоқсанында шикі сүтті тұтыну орташа есеппен жан басына шаққанда 3,5 литрді құрады, бұл 2021 жылдың сәйкес кезеңімен салыстырғанда 5% – ға аз. Клегейді тұтыну, керісінше, бір жарым есе өсті.
Айта кету керек, өңірлерде сүт тұтыну көрсеткіштері әртүрлі. Мәселен, қалалық жерлерде шикі сүтті жан басына шаққанда тұтыну көрсеткіші 2022 жылдың бірінші тоқсанында орта есеппен 1,73 литрді, ауылдық жерлерде небәрі 6,04 литрді құрады.
