Асшаяндар фермасын салуға Нидерландыдан келген мамандар жұмылдырылды.
Жобаның құрылысы 2015 жылы басталып, 2021 жылы пайдалануға берілді.
Асшаяндардың алғашқы партиясын аулау 2022 жылдың сәуірінде болды. Фермаға арналған асшаяндарының шабағы Тайландтан сатып алынады. Ай сайын ферма шамамен 250 мың шабақ сатып алады.
Фермада асшаяндарға арналған бассейндер үшін 2 мың шаршы метр бөлінген. Жалпы саны 16, әрқайсысында 70 текше су бар.
Жобаның құны 800 млн. теңгеден асып жығылады. Қазіргі уақытта өнім экспорты жоқ, бірақ 2023 жылы жоспарлы өнімділікке шыққаннан кейін экспорттауды жоспарлап отыр.
Алдағы уақытта өнім Ресей, Өзбекстан, Қырғызстан және Әзірбайжан сияқты елдерге экспортқа шығарылмақ.
Асшаян бизнесінде 20 адам тартылған.
Акваферманың бірінші кезегінің өнімділігі жылына 45 тонна тауарлық корольдік асшаяндар өндіруге қауқарлы.
«Фолле Фаарт Орталық Азия» ЖШС директоры – Антон Валерьевич.
Ферманың негізін қалаушы тағы бір асшаян фермасын салуды жоспарлап отыр.
«Екінші асшаян фермасы біздің алғашқы асшаян фермасымен салыстырғанда үш есе артық болады деп күтілуде. Жоғарыда айтқанымдай, бірінші фермада өнімділік жылына 45 тонна асшаяндарды құрайды. Екінші фермада бұл көрсеткіш жылына 120-130 тонна асшаянға жетеді деп болжаймыз»,- деп атап өтті Антон Валерьевич.
Ферма басшылығы оның құрылысын 2023 жылдың басында жүргізуді бастап, 2024 жылы іске қосуды жоспарлап отыр. Екінші ферманы іске қосу арқылы жоба бастамашысы асшаяндарды экспорттауға мүмкіндік алады.
