Алматы облысының алты айдағы әлеуметтік-экономикалық даум көрсеткіштеріне сүйенсек, Тамақ өнімдерінің өндірісі 9,6%-ға, сусындар – 3,7%-ға, темекі өнімдері – 15,2%-ға, қағаз және қағаз өнімдері – 22,2%-ға, фармацевтика – 35,1%-ға, резеңке және пластмасса бұйымдары – 9,2%-ға ұлғайған.
Дей тұрғанмен, өңірде жеңіл өнеркәсіп өндірісі 10,6%-ға төмендеген.
Өндірістің өсімі барлық аудандарда қамтамасыз етіліп, тек Райымбек ауданында 41,8%-ға төмендеуге жол берілді, ал жылдық жоспар небәрі 21%-ға орындалды (облыс-52,7%).
Өндірістегі өсім Райымбек ауданында 41,8%-ға төмендеген, нәтижесінде жылдық жоспар небәрі 2121%-ға орындалған жайы бар.
«Жалпы, салада 9 жаңа өндіріс іске қосылып, жұмыс істеп тұрған 4 өндіріс кеңейтілді, қосымша 352 жұмыс орны құрылды. Алайда, Балқаш, Еңбекшіқазақ, Қарасай, Кеген, Райымбек, Талғар және Ұйғыр аудандарында бір де бір өнеркәсіп нысаны іске қосылмады»,-деді Алматы облысы аппаратының басшысы Төлеген Сәрсембаев.
Бүгінгі күні, облыста индустрияландыру Картасы аясында 56,2 млрд.теңгеге 657 жұмыс орнын құрумен 3 жоба іске асырылуда, оның ішінде Іле ауданында қуаты жылына 80 кг Доре алтын-күміс қорытпасын өндіретін «Аметист» гидрометаллургиялық цехы іске қосылды.
Жыл соңына дейін өнеркәсіп өндірісінің көлемін 2,3% өсіммен 1,4 трлн. теңгеге жеткізу, ал өңдеу өнеркәсібінің экспортын 451,5 млн. АҚШ долларына жеткізу көзделген.
