Алматы жылу желілерінің бас директоры мен басқа да басшылары жемқорлық үшін сотталды, деп хабарлайды kazbusiness.kz.
«Алматы жылу желілері» ЖШС бас директоры К. Бейсенбинов, бас инженері Д. Қазымбетов, күрделі құрылыс басқармасының бастығы С. Джингильбаевтің әр қайсына 560 млн теңге көлеміндегі айыппұл салынды.
Пара бергені үшін «СпецКоммунСтрой» ЖШС директоры Б.Разимбековке 400 млн теңге айыппұл түрінде жаза тағайындалды.
Сотталғандарға салынған айыппұлдың жалпы сомасы 2 млрд 80 млн теңгені құрады, бұл 350 орындық мектеп немесе 320 орындық балабақша құрылысының бюджетіне тең.
Аталған лауазымды тұлғалар жылу желілерінде орындалған жұмыс актісіне кедергісіз қол қою және ақша қаражатын аудару үшін Б. Разимбековтен 16 млн теңге сомасында пара алды деген күдікке ілінді.
