Алматыда қызыл кітапқа енген құсты атып кеткен

Осыдан үш күн бұрын Сайран көліне аққұтан мен үйрек әкелінген еді, бір аптаға жетпей белгісіз біреулер Қызыл кітіпқа енген аққұтанды атып кеткен,деп хабарлайды kazbusiness.kz

Қанаты зақымданған. Кеудесіне оқ тиген. Құсты таксимен “Айболит” ветеринарлық орталығына апардық. Аяқтары да сынған көрінеді. Оның мұндай халге қалай түскенін білмеймін. Құсты көрген адамдар оны жылы жерге кіргізіп, маған хабарласты. Жан-жануарларға зиян тигізбейік. Оларды келешек ұрпақ үшін сақтап қалуға тырысайық, – дейді ерікті Наталья Сульжик.

Алайда еріктілер жойылып бара жатқан аққұтанды құтқарып қала алмағанын айтты. Олар қазақстандықтарды абай болуға, табиғатқа зиян келтірмеуге шақырды.

“Жан-жануарларға зиян тигізбейік. Оны келешек ұрпақ үшін сақтап қалуға тырысайық”, – делінген хабараламада.

Айта кетсек, кіші аққұтан  – ескекаяқты құстар отряды, құтандар тұқымдасына жататын құс.Дене тұрқы 62 см, қанатының ұзындығы 32 см, қанатын жайғанда ұзындығы 110 см, құйрығының ұзындығы 32 см.Қазақстанда бар-жоғы 500-дей құс ұялаған..Кіші аққұтанның саны жылдан-жылға азаюда, сондықтан қорғауға алынып, Қазақстанның «Қызыл кітабына» енгізілген.