Қайғылы оқиға түнде Тимирязев пен Сәтбаев көшелерінің арасында Сейфуллин даңғылының бойында болған, деп хабарлайды kazbusiness.kz
Yamaha мотоциклін тізгіндеген жүргізуші Сейфулин даңғылының бойымен оңтүстік бағытта, ал самокатты жалға алған тұрғын солтүстікке қарай кетіп бара жатқан. Самокатшы Политехническая көшесіне қарай солға бұрылмақ болған. Бірақ арақашықтықты дұрыс есептемей, мотоциклдің алдында бұрылған. Қарсы беттен келген мотоцикл жүргізушісі жоғары жылдамдықпен оны қағып кеткен.
Соқтығыс нәтижесінже самокат, мотоцикл және оның жүргізушілерінің екеуі де екі жаққа, бірнеше ондаған метрге ұшып кеткен.
Оқиға орнына жеткен жедел жәрдем зардап шеккендерді бірден алып кеткен. Бірақ ауыр жарақат алған самокатшы жедел жәрдем көлігінде жан тапсырған. Мотоцикл жүргізушісі жақын маңдағы ауруханаға жеткізілді.
Жол полициясы қызметкерлері оқиға орнында тексеріс бастады.
