Алматыда қалалық Мәслихаттың кезектен тыс II сессиясы өтті, деп хабарлайды kazbusiness.kz.
Жиын барысында Алматы қаласы әкімінің орынбасары Асқар Әмрин ұзын-сонар кезекте тұрған халықтың әлеуметтік осал топтары үшін 2 мың пәтер сатып алуға 38,2 млрд. теңге бөлу жоспарланғанын мәлімдеді.
«Демеу» және «Қамқор» орталықтарында 760 адам қызмет алады. Олардың қызмет көрсету сапасын жақсарту үшін 267,5 млн. теңгеге ғимараттарға жөндеу жүргізу жоспарланған.
Сондай-ақ мәдениет және спорт салаларына 5,5 млрд. теңге қарастырылғаны айтылды. Оның ішінде:
- Кітапхана жүйесін цифрландыруға 329,7 млн. теңге қарастырылған.
- 14 мың бала мен 2 мыңнан астам спортшыны құрайтын 3 жоғары спорт мектебін және олимпиадалық резервтегі 10 мамандандырылған балалар-жасөспірімдер мектебін қамтамасыз етуге жергілікті бюджеттен 2 млрд. теңге бөлінеді.
- Балуан Шолақ атынағы спорт сарайын жаңғыртуға және қамтамасыз етуге 726 млн. теңге қарастырылған.
- «Алатау», «Зерделі» және «Жас Қанат» шағын аудандарында 3 жаңа дене шынықтыру-сауықтыру кешенінің құрылысына жергілікті бюджеттен 884,4 млн. теңге. бөлінеді.
