2023 жылдың басынан Алматы қаласының сауда және тұтынушылардың құқықтарын қорғау Департаментіне 3 мыңнан астам өтініш келіп түсті, деп хабарлайды kazbusiness.kz тілшісі.
21 шілдеде өңірлік коммуникациялар қызметінде өткен брифингте департамент басшысының орынбасары Нұрлыбек Бимұрзаев айтып өткендей, өтініштерді қарау, жоспардан тыс тексерулер мен заң консультацияларының қорытындысы бойынша алматылықтарға 2023 жылдың басынан бері 66 775 325 теңге қайтарылды.
Тұтынушылардың құқықтарын қорғау жөніндегі мамандар 1087 өтінішті қанағаттандырды, 924-тен түсініктеме берді, тағы 235-і қайта бағытталды. Алматылықтардың шағымдары бойынша 59 әкімшілік хаттама толтырылды, 20 жоспардан тыс тексеру жүргізілді, ескерту түрінде 53 қаулы шығарылды және жалпы сомасы 414 мың теңгеге алты айыппұл жазылды.
Нұрлыбек Бимұрзаев Қазақстанда 2020 жылдан бастап мемлекеттік және қоғамдық бақылаумен тұтынушылардың шағымдарын қараудың көп сатылы жүйесі (сатушы – мемлекеттік органдар – сот) жұмыс істейтінін, сондай-ақ кәсіби құқық қорғаушылардың тізбесі құрылғанын еске салды. Енді сатушылар тұтынушылардың шағымдарына жауап беруге міндетті. Сондай ақ 2021 жылдан бастап елде шағымдарды қабылдау мен қараудың бірыңғай ақпараттық жүйесі жұмыс істейді e-tutynushy.kz, тұтынушыларға шағымдарды, соның ішінде мобильді қосымша арқылы жіберуге мүмкіндік береді.
“Бірінші кезеңде сатушы сатып алушының шағымын өз бетінше немесе тұтынушылардың құқықтарын қорғау ұйымдарын тарту арқылы қарауға міндетті. Бұл шағымдарды бейбіт жолмен шешуге болатын алғашқы кезең. Бұл жағдайда үкіметтік емес ұйымдар дауды сотқа дейінгі реттеу субъектілері ретінде әрекет етеді. Екінші кезең мемлекеттің қосылуын қамтиды. Яғни, егер сатушы келіссөздер жүргізгісі келмесе, шағым тұтынушылардың құқықтарын қорғау комитетіне немесе басқа мамандандырылған органға жіберіледі. Мысалы, егер сатушы таразыны бұрап алса немесе онлайн-дүкен тауар жібермесе, онда ол алаяқтыққа тартылып, ІІМ органдарының жұмыс саласы болып табылады. Сотқа жүгіну, шын мәнінде, шағымды қараудың соңғы сатысы”, – деп түсіндірді Нұрлыбек Бимурзаев.
Департамент өкілі сауда және интеграция министрлігі шағымдарды қарауды жеңілдетуді көздейтін жобаны Үкіметке келісуге жібергенін атап өтті. Бұл процесс көп сатылы екі деңгейлі етіп жоспарланған.
