Бүгінгі күні кәсіп ашамын деген жанға қолдау көп. Соның бір дәлелі, Қапал ауылында аудан әкімдігінің қолдауымен ашылған “Алтын ине” тігін шеберханасы.
Ине мен жіптің құлағында ойнаған қыз-келіншектердің тұрақты жұмыс орнынынң ашылу салтанатына аудан әкімінің аппарат басшысы Серікхан Амангелдіұлы арнайы келді. Ол, аталған шеберхананың иесіне толайым табыстар мен істеріне сәттілік тілеп, аудан әкімінің аппараты және ауылдық округ аппараты атынан тігін машинасы тарту етті.
Ырысақын Бақытгүлдің бастамасымен ашылған тігін шеберханасында жалпы 25 адам тігін тігеді. Оның ішінде аудандық жұмыспен қамту орталығының жолдамасымен тігін үйренген 10 әйел іс-тәжірибеден өтуде.
Тігінді тіршілік көзіне айналдырған жандар ұлттық нақыштағы құрақ көрпе, балаларға арналған жылы аяқ киімдер тігеді.
“Талап болса кез келген іс алға басады. Ата-бабадан қалған мирасты жалғағымыз келеді. Іскер әйелдер кеңесіде бұл бастаманы қолдап, өз тараптарынан қолдау көрсетуде”,-дейді Ырысақын Бақытгүл.
