Ауыл тұрғындарына 5-7 жыл мерзімге жылдық 2,5%-бен шағын несие беріледі. Бұл туралы Мемлекет басшысы Парламент палаталарының бірлескен отырысында айтты, деп хабарлайды kasbusiness.kz.
– “Ауыл аманаты” жобасы іске қосылады. Жоба аясында ауыл тұрғындарына жылдық 2,5% бен 5-7 жыл мерзімге шағын несиелер берілетін болады.
Халыққа сервистік қызметтер көрсету үшін ауыл шаруашылығы кооперативтері құрылады. Оларға қажетті жабдықтар мен ауыл шаруашылығы техникасын сатып алу үшін субсидияларға қол жеткізетін болады. Бұл мақсаттарға шамамен 1 трлн теңге бағытталады”, – деді Қасым-Жомарт Тоқаев.
