Қарасайлық кәсіпкерлер Даму Қоры мен Еуропалық Қайта Құру және даму банкінің өкілдерімен кездесті. Аудандық әкімдіктің мәжіліс залында өткен жиын барысында мамандар Кәсіпкерлер үшін «қарызды/ несиені қалай сәтті беруге және төлеуге болады» тақырыбында мастер-класс өткізді.
Бұдан бөлек, мамандар банкке кәсіпорынның несиелік қабілетін қалай дәлелдеуге болады, несие шарттары талаптарының сақталуын қалай бақылауға болады, компанияның қаржылық жағдайының банктік мониторингіне қалай дайындалу керек, негізгі немесе/ және айналым қаражатын сатып алуға несие алу тәртібі қандай, банкпен несие мөлшерлемесін төмендету туралы қалай келісуге болады деген тақырыптар аясында әңгіме өрбітті.
Сонымен қатар, ЕҚДБ мен Даму қорының өкілдері басқада мүмкіндіктер туралы толығырақ таныстырды.
