ҚР Еңбек және халықты әлеуметтік қорғау вице-министрі Ербол Оспанов Орталық коммуникациялар қызметінің алаңында цифрландыру бойынша жүргізіліп жатқан жұмыстар туралы айтты, деп хабарлайды kazbusiness.kz.
Вице-министрдің айтуынша, жыл басынан бері барлығы 3,4 млн. мемлекеттік қызмет көрсетілген. Оның ішінде 2,4 млн. электрондық қызмет көрсетілген, яғни мемлекеттік қызметтердің жалпы санының 85 %-ын электронды қызмет құраған.
Сондай-ақ Ербол Оспанов өткен жылғы деректермен де бөлісті:
«Бүгінгі таңда мемлекеттік қызметтердің 45 түрінің 43-ін (немесе 95%) электрондық форматта, ал олардың жартысынан көбін – 23-ін проактивті форматты алу мүмкіндігі бар.
Бұл ретте өткен жылдың қорытындысы бойынша көрсетілген 13,8 млн мемлекеттік қызметтің 81%-ы электрондық форматта жүзеге асырылды», – деді Е.Оспанов.
