Биыл пітір садақа мөлшері 535 теңге болып белгіленді, деп хабарлайды kazbusiness.kz.
- «Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады»,-деді Бас мүфти Наурызбай қажы Тағанұлы.
Қасиетті Рамазан айы биыл 23 наурызда басталады. Айлардың сұлтаны саналған 30 күнде жамағат ауыз бекітіп, ораза тұтады. Ал қасиетті Қадір түні сәуірдің 17-нен 18-не қараған түнге түсіп тұр. 21 сәуір – Ораза айттың бірінші күні.
