Биыл Президенттік жастар кадр резервіне іріктеу болады, деп хабарлайды kazbusiness.kz.
Бұл туралы Мемлекеттік қызмет істері агенттігі төрағасының орынбасары Азамат Жолманов айтты. Осыған дейін жастар кадрлық резервіне іріктеу 2019 және 2021 жылдары өткізілді.
“2023 жылы кезекті іріктеу өткізіледі. Оның ерекшелігі салалық мемлекеттік органдардың қажеттіліктеріне негізделетін болады. Іріктеу рәсімі арнайы ақпараттық жүйеде онлайн түрде өтеді”, – деді ол.
Азамат Жолмановтың сөзінше, осыған дейін 350 адам резервке алынған. Оның ішінде 262-сі мемлекеттік қызметке және квазимемлекеттік сектор ұйымдарына жұмысқа қабылданды. Ал, 28-і саяси мемлекеттік қызметте болса, 8-і “А” корпусының лауазымдарында қызмет етеді.
