2021-2025 жылдарға арналған кәсіпкерлікті дамыту жөніндегі ұлттық жоба шеңберінде Business.enbek.kz порталында бүгіннен бастап жаңа бизнес-идеяларды іске асыру үшін мемлекеттік гранттар алуға өтінімдер қабылдау басталды.
Республика бойынша бірінші лекте 2 577 адамға гранттар беру жоспарланған. Оның ішінде Алматы облысына 162 грант беріледі. Олар: Балқаш ауданына 5 грант, Еңбекшіқазақ ауданы 40 грант, Жамбыл ауданына 15 грант, Іле ауданына 35 грант, Қарасай ауданына 15 грант, Кеген ауданына 15 грант, Райымбек ауданына 15 грант, Талғар ауданына 17 грант, Ұйғыр ауданына 10 грант.
Грант көлемі 400 АЕК-ті (1 380 000 теңге) құрайды. Әр қатысушы оны тек бір рет ала алады.
Жаңа бизнес-идеяны іске асыруға мемлекеттік грант алуға үміткер бола алады:
- тіркелген жұмыссыздар;
- жеке кәсіпкерлер (тіркеу мерзімі 3 жылға дейін);
Қайтарымсыз грант талаптары туралы толығырақ https://kazbusiness.kz/news/oteusiz-grant-alyp-ulgeriniz/ сілтемесі бойынша таныса аласыздар.
