Қазақстанның басым бөлігінде алдағы күндері қысқа мерзімді жаңбыр күтіледі, деп хабарлайды “Қазгидромет” РМК.
Синоптиктердің болжауынша, алдағы күндері циклон жырасы және онымен байланысты атмосфералық фронтальды бөлімдердің әсерінен еліміздің басым бөлігінде жаңбыр жауып, найзағай күтіледі.
22-24 маусым күні оңтүстік-шығыстың таулы аймақтарында және 24 маусымда еліміздің орталығы мен шығысында қатты жаңбыр жауады. Қазақстан бойынша бұршақ, дауыл, жел күшейеді деп күтілуде. Сондай-ақ ауа температурасында күрт өзгерістер болмайды.
