Ақмола облысындағы Державинск қаласының атауы өзгертіліп, Қазақ хандығының соңғы ханы Кенесары Қасымұлының аты беріледі, деп хабарлайды kazbusiness.kz.
Облыс орталығының атауын өзгерту мәселесі Facebook желісінде жарияланған Жарқайың ауданы тұрғындарының жиыны кезінде айтылды.
Қалаға 1837-1847 жылдардағы ұлт-азаттық қозғалысының жетекшісі, Абылай ханның немересі Кенесары Қасымұлының құрметіне Кенесары атауын беру ұсынылды.
Жиында өткен дауыс беруге 321 жергілікті тұрғын қатысты. 192-сі атауды өзгертуді қолдап дауыс берді.
Елордадан 482 шақырым қашықтықта орналасқан қалада 6 мыңға жуық адам тұрады.
