Қазақстан қор биржасы (KASE) 26 тамыздағы жағдай бойынша доллардың орташа сараланған бағамы 472,20 теңгені құрап, бірден 6,98 теңгеге көтерілгенін мәлімдеді.
Айта кетсек, күні кеше ғана доллар шамамен 8 теңгеге арзандаған еді.
Ресей рублінің орташа сараланған бағамы 7,85 теңгеге дейін көтерілді.
Қытай юанінің орташа сараланған бағамы көтеріліп, 68,80 теңгені (+0,94) құрады.
Ақша айырбастау орындарында доллар 474,5-479 теңгеге сатылды/сатып алынды, еуро 475-483 теңгеге өсті. рубль – 7,2-7,65 теңге.
Ал 26 тамыздағы сауда барысында әлемдік мұнай бағасы көтерілді.
Осылайша, Лондондағы ICE Futures биржасында Brent маркалы мұнайдың қазан айындағы фьючерстерінің құны барреліне 0,79%-ға өсіп, 100,12 долларды құрады.
Нью-Йорк тауар биржасында (NYMEX) электронды саудада қазан айындағы WTI фьючерстерінің бағасы 0,82%-ға өсіп, барреліне 93,28 долларды құрады.
